Gështenja: Opozita do të protestojë kudo, Rama ka djegur parlamentin dhe shpërfill Kushtetutën
Nga OraNews Përditësimi i fundit 1 Nëntor 2024, 12:59
Përmes një interviste në Ora News, deputeti demokrat Lefter Gështenja tha se opozita do të ketë protesta kudo dhe reagim në parlament për situatën ku ndodhet parlamenti shqiptar.
Gështenja: Protesta kudo dhe reagim në parlament për situatën ku ndodhet parlamenti shqiptar. Parlamenti nuk është në shinat ligjore, të gjithë e dimë se grupi i opozitës është i përjashtuar nga kuvendi në shkelje të plotë të rregullores. Jemi të dënuar pa ligj.
Ne duhet të shqetësohemi për djegien që po i bën Rama parlamentit, sepse po anashkalohet gjykata kushtetuese. Nëse nuk respektohen vendimet e Kushtetueses atëherë nuk kemi më demokraci. Mazhoranca ka ngritur një gjykatë tjetër që thotë nëse do ta respektojë apo jo vendimin e kushtetuese lidhur me Xhaçkën.
