Rama takim me pensionistë në Durrës: Synojmë rritje graduale dhe të qëndrueshme
Nga OraNews Përditësimi i fundit 30 Tetor 2024, 11:06
Kryeministri i Shqipërisë, Edi Rama në takim me pensionistët në qytetin e Durrësit tha se po punohet për një rritje graduale dhe të qëndrueshëm të pensioneve.
“Kemi bërë shumë gjëra, por nuk kemi bërë ende atë gjë që ju e prisni dhe ne e kemi objektiv që ditën e parë që kur u ulëm në tryezën e qeverisë, që është një rritje graduale dhe e qëndrueshme e pensioneve.
Rritja e pensioneve nuk është si rritja e pagave, pagat rriten në bazë të taksave, pensionet rriten në bazë të kontributeve shoqërore”, tha ai.
Ai theksoi se në reformën e parë te pensioneve, që u bë në vitin 2014, qeveria e tij hoqi tavanin dhe çdo person që del në pension tani merr më shumë të holla.
Kryeministri akuzoi opozitën, e cila sipas tij, si kudo tjetër, edhe në fushën e pensioneve krijoi një gropë të madhe.
“Deri në 2014, kur ne bëmë reformën e parë te pensione, disa nga ju e mbajnë mend, Shqipëria ishte në një situatën totalisht kundër të ardhës. Ne e hoqëm tavanin.
Të gjitha ata që dalin në pension që nga 2014 e këtij, kanë një pension më të lartë.
Ajo ka qenë gropa e madhe që hapën ata, që sot çirren nëpër ballkone dhe thonë se do rrisin pensionet dhe do t’i çojnë nga 1000 euro.”, tha ai.
