Rrëfimi “maratonë” i vëllait të Jani Prengës para gjykatës/ Ndrek Prenga: Gentian Docaj më kërkoi të flisnim në Sky, në një herë folëm edhe me ...
Nga Edison Vatnikaj Përditësimi i fundit 20 Tetor 2024, 16:52
Ne seancën maratonë të marrjes në pyetje Ndrek Prenga ka treguar për bisedat që ai vetë ka kryer me persona që, sipas tij, janë përgjegjës për rrëmbimin e vëllait të tij Jani Prenga.
Gazetari i “Ora News”, Edison Vatnikaj ka zbardhur detaje të tjera nga dëshmia e Ndrek Prengës të dhënë para treshes gjykuese dhe dy prokurorëve të çështjes.
Në dëshminë e tij Ndrek Prenga ka treguar se telefonin që ka komunikuar me personat përgjegjës, sipas tij, e ka mbajtur për 13 ditë.
Madje gjatë bisedave që ai ka kryer me shtetasin Gentian Docaj alias Funiqi ky i fundit i ka kërkuar që komunikimin ta vijonin në aplikacionin “Sky Ecc”.
Sipas dëshmisë së Ndrek Prëngës kjo gjë ishte e pamundur për të pasi ai ndodhej i izoluar në burg në Londër dhe po kryente dënimin me 4 vite burg.
Pasi e ka pasur vështirë sigurimin e një telefoni “SkyEcc”, Prenga ka rrëfyer se biseda ka vijuar në aplikacionin “Whatsapp”.
Madje ai tregon se në këtë aplikacion ai u fut në grup me disa persona të tjerë, por që sipas tij nuk e dinte konkretisht se kush ishin, por që temë bisedash ishin pikërisht mënyra se si do të lironin ngarkesën me qëllim lirimin e pengut.
Sipas Ndrek Prengës numrat që kanë kontaktuar me të kanë qenë me prefikse të huaja, e ndërsa tregon se në një rast ai ka folur me kamera me shtetasin Gentian Docaj, duke përshkruar para gjykatës edhe tiparet e tij.
Tre vëllezërit e Jani Prengës jetojnë në shtetin britanik dhe janë të pajisur me dokumentet e nevojshme.
Anton Prenga, vëllai tjetër do të dëshmojë para prokurorisë së posaçme.
DËSHMIA E VËLLAIT TË JAN PRENGËS NË GJYKATË
