VIDEO/ Gjeorgji-Shqipëri, ritëm i lartë në Tbilisi, skuadrat në kërkim të golit, por pa rezultat. Nis e dyta
Nga OraNews Përditësimi i fundit 14 Tetor 2024, 19:03
Po luhet prej orës 18:00 takimi Gjeorgji-Shqipëri, në sfidën e vlefshme për xhiron e tretë të këtij edicioni, të Ligës së Kombeve.
Të dyja ekipet po dhurojnë një ritëm të lartë në minutat e para teksa rastet për shënim kanë qenë të shumta.
Takimi në Tbilisi nisi me një gjuajtje të Qazim Laçit nga distanca i cili tentoi të kapte në befasi portierin kundërshtar por Mamardashvilit tregohet i gatshëm duke pritur topin.
Në minutën e 5-të vendasin patën mundësinë e artë për të shënuar. Aksion i rrezikshëm i gjeorgjianëve nga e djathta, harkimi në qendër gjen Zivzivadze i cili për fat nuk ia del të gjuajë në portën kuqezi.
Më pas Shqipëria provoi të ushtrojë presin duke krijuar disa raste të rrezikshme por pa mundur të realizojë.
Vendasit rrezikojnë sërish në minutën e 11-të pasi Davitashvili shfaqet para portës dhe gjuan, duke gjetur devijimin vendimtar të Strakoshës i cili çon topin në këndore.
Rasti më i mirë i Shqipërisë është ai i minutës së 15-të ku rrezikoi me Indrit Tucin. Asani nis Tucin në thellësi, me këtë të fundit që gjuan por gjen përgjigjen e portierit të vendasve.
