Klopp firmos kontratën e re, zbulohet destinacioni i gjermanit
Nga OraNews Përditësimi i fundit 9 Tetor 2024, 10:12
Zbulohet sfida e radhës për trajnerin gjerman Jurgen Klopp, i cili ka marrë një periudhë pushimi pas përvojës shumëvjeçare te suksesshme në stolin e Liverpoolit.
Sipas gazetarit Florian Plettenberg, trajneri gjerman do të jetë drejtor i përgjithshëm i futbollit të rrjetit të skuadrave të Red Bullit.
Ish-trajneri i Liverpool-it tashmë ka nënshkruar një kontratë afatgjatë që hyn në fuqi në janar të vitit të ardhshëm.
Pra, pas disa muajsh 57-vjeçari do të nisë të këshillojë ekipet si: Leipzig, Salzburg, Nju Jork dhe Bragantino.
Këshillat e Kloppit do të jenë për trajnimin, filozofinë e lojës, zhvillimin dhe transferimin e talentëve/trajnerëve etj.
I njëjti burim shton se CEO i Red Bullit, Oliver Mintzlaff, ishte i prirur për të siguruar trajnerin 57-vjeçar, i cili ka një klauzolë në kontratën e tij që e lejon atë të largohet për të marrë drejtimin e kombëtares gjermane nëse Julian Nagelsmann largohet.
Kujtojmë që Jurgen Klopp u largua nga Liverpooli në fund të sezonit të kaluar, pas nëntë sezonesh në Anfield (fitoi Premier Legaue-n dhe Championsin).
Më herët kishte drejtuar Dortmundin (nga 2008/09 deri në 2014/15) dhe Mainzin (2001/02 deri në 2007/08).
