PD në protestë, PS voton ligjet/ Komisioni i Integrimit diskuton projektligjin pa opozitën
Nga OraNews Përditësimi i fundit 7 Tetor 2024, 14:06
Bojkoti i opozitës por dhe protesta e kësaj të hëne nuk i ka penguar socialistët në vijimin e diskutimeve në komisionet parlamentare.
Në çështjet e integrimit, drejtimin e mbledhjes në mungesë të Jorida Tabakut e mori, Etilda Gjonaj.
Zëvendësministri i Bujqësisë paraqiti qëndrimin për shërbimin veterinar në Republikën e Shqipërisë.
Me argumentin se mbledhja ishte vazhdim i diskutimeve të shkuara, por edhe për shkak të mungesës së diskutimeve, ndryshimet ligjore u miratuan pa debate dhe pa argumentime.
Mbledhja e komisionit të integrimit u zhvillua në kohën kur në bulevardin kryesor u morën masa për protestën, si me blindimin e dyerve të kryeministrisë, ashtu dhe me vendosjen e kamerave të sigurisë, për të regjistruar persona që mund të kryejnë veprime të paligjshme.
