Mbledhja e Ramës me kryebashkiakët socialistë: Fusha e hapur, PS të jetë në sulm, të sigurohen votat e Diasporës
Nga OraNews Përditësimi i fundit 17 Shtator 2024, 15:24
Detaje të reja janë zbuluar nga mbledhja e kësaj të marte në Tiranë e kryeministrit Edi Rama me kryebashkiakët socialistë.
Mësohet se kryeministri Edi Rama e ka vendosur theksin në zgjedhjen e koordinatorëve dhe zgjedhjet e 2025.
Gjithashtu ai i ka kushtuar dhe vëmendje diasporës, ndërsa ka kërkuar që të janë aktivë në mënyrë që të maksimalizohet vota e diasporës në favor të PS.
“Fusha është e hapur dhe e gjithë partia e PS duhet të jetë në sulm”, mësohet të ketë thënë ai.
Synimi i kryeministrit është jo vetëm për të fituar dhe siguruar mandatin e katërt, por për të siguruar edhe një rezultat të thellë dhe diferencë nga zgjedhjet e kaluara.
