EMRAT/ Të shtënat me armë në Malësinë e madhe, identifikohen dy të plagosurit dhe autori
Nga OraNews Përditësimi i fundit 15 Shtator 2024, 10:22
Dy persona janë plagosur me armë zjarri në Malësi të Madhe.
Mësohet se ata janë B. Qofi dhe A. Hasanaj, të cilët janë transportuar në spital.
Ngjarja ndodhi paraditen e kësaj të diele (15 shtator) në fshatin Vrakë, ndërsa ende nuk dihen motivet e kësaj ngjarjeje.
Autori i plagosjes dyshohet se është shtetasi L.Rakaj.
Deri tani, motivet e incidentit mbeten të paqarta, dhe autoritetet po punojnë për të mbledhur të gjitha informacionet e nevojshme për të zbardhur ngjarjen.
Njoftimi i policisë:
Malësi e Madhe/Informacion paraprak
Rreth orës 09:45, në fshatin Vrakë, në hyrje të një lokali, dyshohet se shtetasi L. R., ka plagosur me armë zjarri shtetasit B. Ç dhe A. H, të cilët janë transportuar në spitalin rajonal të Shkodrës për ndihmë mjekësore.
Shërbimet e Policisë kanë shkuar menjëherë në vendngjarje bashkë me grupin hetimor dhe drejtues të Drejtorisë Vendore të Policisë Shkodër.
Në ndihmë të Policisë Vendore për kapjen e autorit kanë shkuar dhe grupe të Forcës Kombëtare të Sigurisë, Njësia Shkodër dhe vijojnë kontrollin e zonës dhe në ambjente të ndryshme ku dyshohet se mund të jetë fshehur autori i dyshuar.
Grupi hetimor në drejtimin e Prokurorisë po punon për zbardhjen e rrethanave dhe dokumentimin ligjor të rastit.
