Milo: Qeveria po zbukuron një realitet që nuk ekziston, ja e vërteta në sektorin e punësimit. Mbi 550 mijë punojnë në të zezë

Nga OraNews Përditësimi i fundit 24 Gusht 2024, 15:17

Sekretarit për Çështjet Ekonomike dhe Financave në Partinë e Lirisë, Petraq Milo në një deklaratë për mediat u shpreh se qeveria po zbukuron një realitet që nuk ekziston dhe se mbi 550 mijë punojnë në të zezë.

Deklarata e Sekretarit për Çështjet Ekonomike dhe Financave në Partinë e Lirisë, Petraq Milo:

Përshëndetje
Qeveria mundohet me propagandën e saj të zbukurojë një realitet që nuk egziston si për sa i përket nivelit të punësimit, të informalitetit, të shpërndarjes së punonjësve sipas nivelit të pagës si dhe nivelit të kostos së jetesës

E para, sipas të dhënave të INSTAT janë rreth 1.3 milion të punësuar, dhe ndërkohë janë vetëm 733 367 punonjës kontribues të sigurimeve shoqërore dhe të tatimit mbi pagë

 Janë rreth 566 633 punonjës në tregun informal të punës, të cilët nuk janë kontribues të sigurimeve shoqërore dhe të tatimit mbi pagën

 Shkalla e informalitetit në tregun e punës mbetet shumë e lartë, në rreth 44% te punonjësve nuk janë kontribues të skemës të sigurimeve shoqërore dhe të tatimit mbi pagën

 Informaliteti i punësimit eshte nje nga arsyet me te rëndësishme te te ardhurave te ulta tatimore per sa i përket kontributeve shoqerore dhe te ardhura nga tatimi mbi page

 Kjo krijon nje problem shume te rende social sepse punonjësit informale ne nje te ardhme te shpejte nuk do te jene përfitues te pensionit

E dyta, nga 733 367 punonjës kontribues të sigurimeve shoqërore, shpërndarja e pagës së punonjësve sipas të dhënave të INSTAT për tremujorin e parë të vitit 2024 është :

 Janë 25.8% e punonjësve, ose 189 200 punonjës që paguhen me pagë minimale bruto 40 000 lekë në muaj, ose me një pagë neto 35 520 lekë në muaj

 Janë 20.0% e punonjësve, ose 146 670 punonjës që paguhen me page mesatare bruto 45 000 lekë në muaj, ose me një pagë neto 38 985 lekë në muaj

 Janë 9.4 % e punonjësve, ose 68 940 punonjës që paguhen me pagë mesatare bruto 55 000 lekë në muaj, ose me një pagë neto 45 590 lekë në muaj

 Janë 27.0% e punonjësve, ose 198 000 punonjës që paguhen me pagë mesatare bruto 77 500 lekë në muaj, ose me një pagë neto 62 645 lekë në muaj

 Janë 7.9 % e punonjësve, ose 57 930 punonjës që paguhen me pagë mesatare bruto 107 500 lekë në muaj, ose me një pagë neto 85 385 lekë në muaj

 Dhe janë 9.9% e punonjësve, ose 72 600 punonjës që paguhen me pagë mesatare bruto mbi 120 000 lekë në muaj, ose me një pagë neto 94 860 lekë në muaj

E treta, një numër i konsiderueshëm i punonjësve jetojnë në kufijtë e varfërisë absolute

 Në një përqindje të lartë punonjësit informalë jetojnë nën kufirin e pagës minimale bruto

 Në rreth 44% punonjës informalë me pagë nën nivelin e pagës minimale ose në më pak se 320 USD page në muaj, te cilët bashkë me ngarkesën familiare jetojnë në kushtet e varfërisë absolute


 Në rreth 25.8% e punonjësve të siguruar me pagë neto 35 520 lekë në muaj, e barabartë me 370 USD në muaj te cilët bashke me ngarkesën familjare, jetojnë në kushtet e varfërisë absolute

 Në rreth 20 % e punonjësve të siguruar me pagë neto në 38 985 lekë në muaj, e barabartë me 407 USD në muaj te cilët së bashku me ngarkesën familjare, jetojnë në kushtet e varfërisë absolute

Partia e Lirisë angazhohet që gjatë mandatit të parë qeverisës të rrisë nivelin e pagave dhe uljen e kostos së jetës, duke u angazhuar :

 Në dyfishimin e pagave dhe rritjes së tyre mbi mesataren e rajonit

 Në arritjen e objektivit të rritjes së pagave nga rritja e të ardhurave në nivelin 40-41 % të Produktit të Brendshëm Bruto