“PROTESTO PËR VENEZUELËN”/ Opozita fton qytetarët në mbarë botën për të mbajtur tubim më 17 gusht
Nga Katerina Hysenllari Përditësimi i fundit 12 Gusht 2024, 14:31
Ndonëse presidenti Nicolás Maduro ka marrë detyrën, nuk ka asgjë që e ndalon opozitën për të protestuar për atë që e cilësojnë rezultat të manipuluar zgjedhor. Me mbështjen e SHBa dhe qindra qeverive është thirrur një mbrotestë mbarë kombëtare ku i kërkohet qytetarëve të mëbshtesin kauzën e tyre.
Koalicioni opozitar në Venezuelë ka bërë thirrje për mbajtjen e protestave në mbarë botën më 17 gusht në mbështetje të pretendimit të saj se rezultati i zgjedhjeve presidenciale u manipulua.
Presidenti Nicolás Maduro u shpall fitues nga komisioni zgjedhor i kontrolluar nga qeveria, i cili i dha atij një mandat të tretë radhazi në detyrë.
Opozita thotë se kandidati i saj, Edmundo González, ishte fituesi i vërtetë dhe ka kërkuar që komisioni të nxjerrë të dhëna të detajuara nga qendrat e votimit.
Kjo thirrje është mbështetur nga Bashkimi Evropian dhe SHBA, ndërkohë që një numër vendesh të tjera të Amerikës Latine deri më tani nuk e kanë njohur Maduron si fitues të muajit të kaluar.
Udhëheqësja e opozitës María Corina Machado postoi një video në mediet sociale në të cilën tha se venezuelianët duhet të "dalin në rrugë" në mbarë botën të shtunën më 17 gusht në mbështetje të pretendimit të partisë së saj për fitore.
“Të bërtasim së bashku që bota të mbështesë fitoren tonë dhe të njohë të vërtetën dhe sovranitetin popullor”, tha ajo të dielën.
González, i cili zëvendësoi zonjën Machado si kandidate të opozitës pasi asaj iu ndalua të kandidonte, bëri thirrje gjithashtu për protesta kombëtare dhe mbarëbotërore në mbështetje të "të vërtetës".
Opozita publikoi një grup të dhënash në internet menjëherë pas zgjedhjeve të 28 korrikut, për të cilat thotë se dëshmon se González fitoi me një diferencë të madhe.
Sekretari Amerikan i Shtetit Antony Blinken tha se kishte “prova bindëse” që Edmundo González kishte fituar më shumë vota. Mijëra protestues kanë dalë në rrugë në Venezuelë dhe vende të tjera të Amerikës Latine që kur u kontestua rezultati zyrtar i sondazhit.
Qeveria thotë se më shumë se 2,000 njerëz janë arrestuar, disa prej të cilëve i akuzon për "terrorizëm".
