Fund surprizues në Austri, triumfon Mercedesi i George Russell
Nga OraNews Përditësimi i fundit 30 Qershor 2024, 20:05
Fund surprizues në Çmimin e Madh të Austrisë, aty ku ia doli të triumfojë britaniku George Russell me Mercedesin e tij.
Piloti i skuadrës gjermane përfitoi maksimalisht nga një incident mes Max Verstappen dhe Lando Norris, për të marrë vendin e parë dhe për të mos e lëshuar më deri në fund.
Fill pas Russel, garën e përfundoi Oscar Piastri me McLarenin e tij, ndërsa në podium u ngjit edhe piloti i Ferrarit, Carlos Sainz.
Mbylli garën i katërti Lewis Hamilton, i cili la pas pikërisht Verstappenin, me pilotin e Red Bull që pas incidentit, ia doli të rikthehet në garë dhe të luftojë deri në fund.
Garë për t’u harruar për pilotin tjetër të Ferrarit, Charles Leclerc, i cili përfundoi në bokse që në xhiron e parë, pas një përplasjeje me Piastrin, që i shkaktoi dëme të cilat nuk e lejuan të vijojë garën.
Vlen të theksohet se kjo është fitorja e dytë në karrierë për George Russel, pas triumfit në Çmimin e Madh të Brazilit në vitin 2022.
