Rama flet për rastin Qyno: Gazetari nuk e ka detyrim të ruajë sekretin, duhet marrë me burimin
Nga OraNews Përditësimi i fundit 26 Qershor 2024, 10:51
Kryeministri Edi Rama, gjatë konferencës për të drejtën e Informimit, foli në lidhje me nxjerrjen e sekretit hetimor duke përmendur edhe rastin “Qyno”.
Rama: Sekreti hetimor është diçka tjetër. Përfitoj nga rasti të falënderoj Avokaten e Popullit, me një rast të një gazetari i cili u akuzua dhe u keqtrajtua për nxjerrje të sekretit hetimor. Ka ndodhur edhe gjatë pandemisë kur prokuroria ju vu mbrapa ca gazetarëve dhe për mua gazetarët nuk nxjerrin sekrete hetimore, pasi gazetarët nuk i deponojnë i disponojnë prokurorët.
Kur i bie në dorë sekreti gazetari nuk është më detyrimi i tij të ruajë sekretin. Dhe nuk shkon drejt tij hetimi, por drejt atyre që ia dhanë atij. Kjo është elementare. Që në kanun shkruhet e zeza në të bardhe lajmësi nuk ka faj, kush e prodhoi ose kush ja dha që ta çoj dikur tjetër është burimi që duhet të merresh. Informacioni, mbi gjithçka që institucionet publike bëjnë dhe mbi gjithçka që ekzistojnë në letër në vulë në firmë, dhe që nuk përfshihet në një hapësirë të ngushtë, është pronë publike që shteti nuk ka as një të drejtë t’ia mohojë qytetarëve.
