26 mijë maturantë i nënshtrohen provimit të tretë/ Maturantët ''i tremben'' matematikës
Nga Mola Luku Përditësimi i fundit 18 Qershor 2024, 14:24
28 mijë maturantë në mbarë vendin iu nënshtruan provimit përfundimtar të lëndës së matematikës.
Për 2 orë e 30 minuta, ata testuan aftësitë e tyre.
Ndryshe nga provimet e anglishtes dhe gjuhës shqipe, kësaj radhe maturantët e cilësuan provimin e matematikës të vështirë.
‘’Ky ishte pakëz më i vështirë.
Kishte vështirësi.
Ishte pak i ngarkuar’’.
Por kishte dhe nga ata të cilët e cilësuan mesatar apo të lehtë.
Bënë dhe një parashikim të vlerësimeve që presin.
Publikimi i tezës duket se është kthyer në traditë.
Kishin kaluar vetëm 30 minuta kur në rrjetet sociale fillluan të qarkullojnë të dy variantet e tezës.
Por për Ministrinë e Arsimit kjo nuk përbën shqetësim pasi sipas tyre siguria në gjimnaze dhe kontrollet janë të larta, ç’ka nuk e lejon mundësinë e kopjimit.
Tashmë mbetet vetëm provimi I fundit, ai I lëndës me zgjedhje që do të zhvillohet më 24 qershor.
