PD: Inceneratorët blejnë me shuma të majme sulmuesit mediatikë e organizata fantazëm. Dokumentat do t’i dorëzohen SPAK
Nga OraNews Përditësimi i fundit 29 Maj 2024, 14:51
Partia Demokratike doli sot me një reagim për Arbër Hitajn, kreun e shoqatës së gazetarëve që kërkoi arrestimin e protestuesve pas incidentit në protestën e opozitës para bashkisë së Tiranës.
Hitaj drejton shoqatën seksionin shqiptar të AEJ, por sipas opozitës i shërben pronarit të tij Karlo Bolino dhe është paguar nëpërmjet të atit nga fondet e inceneratorëve.
SILVI BARDHI: Protesta e qytetarëve të lirë kundër korrupsionit dhe vjedhjes përballë bashkisë Tiranë, me sa duket ka tronditur thellësisht Grupin e Strukturuar Kriminal të Inceneratorit Tiranë dhe bandës 5D.
Ky fakt u vu re më së shumti pas protestës së 9 të organizuar ditën e djeshme. Nuk përbën aspak habi, që dje pati dy reagime qesharake në mbrojtje të bandës së Inceneratorit të Tiranës dhe bandës “5D”, duke kërkuar arrestimin e protestuesve dhe jo të hajdutëve.
Jam këtu sot për të denoncuar publikisht një organizatë të vetëquajtur jo fitimprurëse që pretendon të ketë në fokus mbrojtjen e gazetarëve, por në të vërtetë është në shërbim total të mbrojtjes së hajdutëve të inceneratorit të Tiranës.
Shoqata e gazetarëve “AEJ Albania”, drejtohet nga Arbër Hitaj. Ky i fundit ka dy arsye madhore për të ofruar këtë shërbim. E para, ky reagim bëhet për të mbrojtur interesat korruptive dhe klienteliste të punëdhënësit Karlo Bollino, i kallëzuar penalisht nga Partia Demokratike për grabitjen e truallit mbi të cilin ka ngritur televizionin e tij dhe faktin se financohet me paratë e inceneratorit Tiranë.
Arsyeja e dytë është se Abedin Hitaj, babai i Arbër Hitajt, rezulton i punësuar pranë Inceneratorit të Tiranës dhe njëkohësisht është ortaku i vetëm i kompanisë “Hawk Security”, duke shërbyer si prestanome për Mirel Mërtirin dhe Klodian Zoton.
Nga të dhënat që Partia Demokratike disponon, në një e-mail të datës 25 qershor 2021, Denisa Tollkuçi informon Stela Gugallen dhe Klodian Zoton, për të gjitha veprimet e ndjekura për kompanitë e tyre, ku bën pjesë edhe kompania “Hawk Security”, siç e shihni dhe në foton në ekran. Kjo kompani, referuar të dhënave zyrtare të QKB, rezulton se është themeluar fiktivisht në emër të Abedin Hitajt.
Ndërkohë “pronari” Abedin Hitaj, është njëkohësisht dhe roje objekti pranë Inceneratorit Tiranë, ku merr rrogën e 9-të më të lartë në këtë konçension, plot 1 mijë e 600 euro në muaj.
Partia Demokratike ka një pyetje të thjeshtë për ju. Cfare objekti ruan shtetasi Abedin Hitaj, i cili paguhet plot 1 mijë e 600 euro në muaj???
REAGIMET E SHOQATAVE TE GAZETAREVE
Pas pretendimeve të Bardhit, ka reaguar dhe Federata Europiane e Gazetarëve, e drejtuar nga Ricardo Gutierrez.
Përmes një reagimi zyrtar, ajo shpreh solidaritetin e fortë per gazetarët shqiptarë duke dënuar përfaqësuesit e Rithemelimit që sulmuan gazetarin Arbër Hitaj.
“Qëndrojmë në solidaritet të plotë me Arbër Hitaj and EFJE, të cilët janë akuzuar nga Këshilli Kombëtar i PD-së se punojnë apo janë të influencuar nga qeveria, pas reagimit te tyre për koktejlet molotov që rrezikuan gazetarët në protesten përpara Bashkisë së Tiranës”, thekson Federata me e rendesishme Europiane e Gazetarëve.
Po ashtu, ndaj akuzave të opozitës ndaj gazetarit Arbër Hitaj ka reaguar edhe Shoqata e Gazetarëve Evropianë me President Otmar Lahodynsky.
