Qen me pushkë/ Kina shpik robotin luftarak, i pajisur me mitraloz gjatë stërvitjeve të përbashkëta me Kamboxhian
Nga OraNews Përditësimi i fundit 28 Maj 2024, 15:03
Pas SHBA, edhe ushtria e Kinës po testojnë një qen robot luftarak të pajisur me mitraloz gjatë stërvitjeve të përbashkëta me Kamboxhian
Ky robot me pamjen e një një qeni është një armë vdekjeprurëse! I pajisur me mitraloz është fjala e fundit e teknologjisë kineze në fushën e betejës.
Ushtria e Kinës e zbuloi pajisjen gjatë një stërvitje me Kamboxhian.
Videoja dyminutëshe tregon qenin robot që ecën, kërcen, shtrihet dhe lëviz mbrapa nën kontrollin e një operatori në distancë.
Përdorimi ushtarak i qenve robotë – dhe sigurisht dronëve të vegjël ajrore – nuk është asgjë e re. Në vitin 2020, Forcat Ajrore të SHBA-së demonstruan se si përdori qentë robotikë si një lidhje në Sistemin e saj të Avancuar të Menaxhimit të Betejave (ABMS), i cili përdor inteligjencën artificiale dhe analizat e shpejta të të dhënave për të zbuluar dhe kundërshtuar kërcënimet ndaj aseteve ushtarake amerikane.
Dhe që nga pushtimi rus i Ukrainës në vitin 2022, dronët janë bërë të zakonshëm në fushën e betejës, në tokë, det dhe ajër, me automjete të lira të kontrolluara nga distanca në gjendje të rrëzojnë makineritë e sofistikuara ushtarake si tanket dhe madje edhe anijet luftarake.
Kina është një nga eksportuesit kryesorë të dronëve në botë, por vitin e kaluar Ministria e saj e Tregtisë vendosi kontrolle të eksportit në teknologjinë e dronëve, duke përmendur nevojën për të "mbrojtur sigurinë dhe interesat kombëtare".
