Pistorius diskuton politikën e sigurisë gjatë vizitës në SHBA dhe Kanada
Nga OraNews Përditësimi i fundit 7 Maj 2024, 21:15
Ministri gjerman i Mbrojtjes, Boris Pistorius do të nisë sot një vizitë disaditore në Shtetet e Bashkuara të Amerikës dhe Kanada.
Ndalesa e tij e parë është Nju Jorku ku pritet të mbajë një fjalim para përfaqësuesve të Komitetit Hebre Amerikan, një organizatë që përfaqëson interesat hebraike.
Pistorius ka planifikuar të takohet nesër me sekretarin e përgjithshëm të OKB-së, António Guterres.
Në rendin e ditës është edhe një vizitë në kompaninë amerikane “Boeing”, prodhuesi kryesor i avionëve komercialë dhe të mbrojtjes.
Gjatë vizitës, Pistorius ka planifikuar të takojë homologun e tij amerikan, Lloyd Austin në Uashington.
Ministri gjerman i mbrojtjes gjithashtu do të udhëtojë në Otavë për të zhvilluar bisedime me homologun e tij kanadez, Bill Blair.
Pistorius pritet të raportojë për përfshirjen ushtarake të Gjermanisë në NATO si dhe kontributet e saj në stabilizimin në zonat e konfliktit.
Lufta e vazhdueshme në Ukrainë do të jetë gjithashtu pjesë e diskutimeve.
