Ambasada Amerikane përshëndet dënimin nga KLP të sulmeve kundër SPAK-ut: Fund pandëshkueshmërisë

Nga OraNews Përditësimi i fundit 17 Prill 2024, 08:47

Ambasada amerikane në Tiranë përshëndet dënimin nga Këshilli i Lartë i Prokurorisë të sulmeve të drejtpërdrejta dhe të tërthorta kundër SPAK-ut në ditët dhe javët e fundit.

Përmes një reagimi në faqen e saj zyrtare në platformën “X”, ambasada thekson se SHBA qëndron në krah të profesionistëve të drejtësisë që respektojnë ligjin dhe do të mbështesë të gjithë ata që kërkojnë t'i japin fund pandëshkueshmërisë.

Reagimi i plotë i Ambasadës Amerikane

Përshëndesim dënimin nga KLP të sulmeve të drejtpërdrejta dhe të tërthorta kundër SPAK-ut në ditët dhe javët e fundit.

Do të vazhdojmë të qëndrojmë në krah të shumicës dërrmuese të qytetarëve shqiptarë që mbështesin institucionet e reja të drejtësisë dhe rolin kyç që ato luajnë në demokracinë e Shqipërisë.

SHBA qëndron në krah të profesionistëve të drejtësisë që respektojnë ligjin dhe do të mbështesë të gjithë ata që kërkojnë t'i japin fund pandëshkueshmërisë.