Bardhi rikthen deputetët në grup, Alibeaj dhe Spaho përplasen për përjashtimet
Nga OraNews Përditësimi i fundit 11 Prill 2024, 16:51
11 deputetët që Lulzim Basha i përjashtoi nga grupi parlamentar janë rikthyer në radhë.
Gazmend Bardhi ka zhbërë vendimin e muajit shtator, çka bëri që Alibeaj ta konsideronte pjesë të marrëveshjes.
Deputetët e përjashtuar në 28 shtator nga grupi parlamentar i PD janë rikthyer sërish.
Kryetarja e parlamentit Lindita Nikolla ka lexuar shkresën e Gazmend Bardhit që zhbën firmën e Bashës për 11 deputetë.
I pakënaqur nga kjo mbeti Enkelejd Alibeaj.
‘’Për të cilët, deputetë apo jo keni vendosur që ti fusni apo jo në grupin parlamentar të PD-së.
Po ju bëj me dijë zonjë se ende nuk e keni ndarë përfundimisht këtë historinë se si bëhet përfaqësimi dhe nga kush kryesohet grupi parlamentar i PD-së’’, tha Alibeaj.
Ndërsa Edmond Spaho vijoi debatin e brendshëm mes demokratëve duke shigjetuar ish kolegun në selinë blu.
‘’Pozicionimi i deputetëve nuk përcakohet nga përjashtimet enversite të Bashës apo nga pëlqimet e Alibeajt’’, tha Spaho.
Për socialistët përplasjet duhet të zgjidhen jashtë sallës së parlamentit.
E për këtë Alibeaj akuzat i vijoi përballë medieve.
Pas krisjes në fund të vitit 2021 pd është përfshirë nga debate se cili ka vulën dhe mandatin e kryetarit berisha apo basha
