Nazmi Hoxha sjell për herë të parë kompozimet artistike, Rama: Një nga figurat e spikatura të artit shqiptar
Nga OraNews Përditësimi i fundit 9 Prill 2024, 19:43
Piktori, Nazmi Hoxha ka sjellë për herë të parë në qendrën për hapje dhe dialog, peizazhe e portrete artistike në Kryeministri.
I pranishëm në këtë aktivitet ishte edhe kryeministri Edi Rama, i cili u shpreh se Nazmi Hoxha është një prej figurave më të spikatura të artit shqiptar.
“Është kënaqësi dhe emocion si një mik i hershëm, por edhe si një ndjekës, sot mungon një njeri që ka qenë energjia që na bashkonte me Nazmiun, Agim Rada.
Jam i bindur që të gjithë në bashkë nuk e kompensojmë dot.
Për të folur për artin e Nazmiut nuk është e lehtë, por ka ruajtur brumin e tij të parë.
Për ata që nuk i kanë parë punët e Nazmiut në të shkuarën, mund të them që ato kanë qenë sipërfaqe që në një distancë prej disa metrash dukej sikur ishte një sipërfaqe e njëjtë, por më nga afër zbuloje shumë detaje.
Në atë kohë në shtëpinë e Gimit gjendej koleksioni më i madh i Nazmiut”, tha Rama.
