Ligjet "mbyllin dyert" dhe miratojnë Grupin e Dialogut, Bylykbashi: Do të kërkohet transparencë
Nga OraNews Përditësimi i fundit 28 Mars 2024, 11:25
Gjatë ditës së sotme, në Komisionin e Ligjeve është konstituuar grupi i Dialogut. Në mbledhje anëtarë ishin Oerd Bylykbashi, Dhurata Çupi dhe Erisa Xhixho, ndërkohë nga maxhoranca ishin Damian Gjiknuri, Toni Gogu dhe Klotilda Bushka.
Në një dalje për mediat, Bylykbashi tregoi detaje nga mbledhja e grupit, teksa u shpreh se do të kërkohet transparencë.
“Prioritet për opozitën dhe punën është trajtimi i reformës zgjedhore. Amnistia Penale nuk ishte çështje që u diskutua. Ajo që ramë dakord është listimi dhe përcaktimi në një mbledhje tjetër të objektit të punës.
Do ndiqen praktikat më të mira. E nevojshme të kemi mundësinë të punohet. Opozita e ka mbështetur gjithmonë amnistinë. Duhet të shohim zgjidhjet konkrete që të arrijë objektivat.
Reforma Zgjedhore ka qenë gjithmonë çështje e vullnetit politik, përveçse detyrim. Do t’i drejtohemi për ekspertizë edhe organizatave ndërkombëtare”, tha Bylykbashi.
