EMRAT/ I zunë pritë dhe vranë me thikë një person, ja me sa vite burg dënohen dy shqiptarët
Nga OraNews Përditësimi i fundit 23 Mars 2024, 22:59
Dy shqiptarë janë dënuar nga autoritetet në Britaninë e Madhe për një vrasje të kryer në mars të 2023.
Viktimë e sulmit me thikë mbeti Stefan Stelian Moraru, I cili ishte sulmuar gjatë një grabitjeje dhe ishte lënë të vdiste në anë të një rruge.
Shqiptarët e arrestuar, gjykuar dhe dënuar, janë Armand Tafa, 40 vjeç (29.04.83) dhe Migen Emilova, 35 vjeç (5.08.88) të cilët të dy nuk kanë adresë fiks.
Ato u shpallën fajtorë për vrasjen në Old Bailey.
Tafa u shpall fajtor gjithashtu për grabitje. Emilova e kishte pranuar fajin për grabitje përpara gjyqit.
Të premten, më 22 mars, Emilova dhe Tafa u dënuan me burgim të përjetshëm me një minimum prej 27 vjetësh. Ata u dënuan gjithashtu me 10 vjet për grabitje.
Kryeinspektori Neil John, nga Komanda Speciale e Krimit, drejtoi hetimin. Ai tha: “së pari, mendimet tona sot janë me familjen e Stefanit, të cilëve u është dashur të durojnë të dëgjojnë detajet e tmerrshme të natës që ai u vra.
“Jeta e tij u mor në një akt dhune dhe ai u braktis në rrugë për të vdekur i vetëm. Askush nuk duhet të kalojë minutat e fundit të jetës së tij në rrethana të tilla. Është e drejtë që Armand Tafa dhe Migen Emilova – të cilët fajësuan njëri-tjetrin për vrasjen – janë dënuar dhe ata tani përballen me shumë vite burg”.
Policia u thirr në Chandos Avenue, N20, rreth orës 06:00 më 20 mars 2023 për raportimet e një burri të plagosur në rrugë. Me të mbërritur ata gjetën 44-vjeçarin Stefan i cili u shpall i vdekur në vendngjarje.
Ekspertiza konfirmoi se ai vdiq si pasojë e një plage me thikë në zemër.
Detektivët zbuluan se Stefani ishte larguar nga shtëpia e tij rreth orës 22:00 më 19 mars 2023, duke u thënë njerëzve të shtëpisë se do të kthehej pas 10 minutash. Ai nuk u kthye më.
Më vonë u konstatua se atij i është zënë pritë në një moment nga ora 22:30 deri në 23:00. Ai u sulmua dhe u grabit para se të mbetej i plagosur rëndë.
Kamerat zbuluan pamje që tregonin Tafa dhe Emilova duke iu afruar Ford Focus të Stefanit përpara se të luftonin me të.
Stefani mundi të ikë, por besohet se në këtë moment ai ishte goditur me thikë.
Dy burrat kontrolluan makinën e tij përpara se ta vidhnin dhe të largoheshin. Ata parkuan Focus on Simmons' Ëay ku kryen një kontroll të dytë.
Ndonëse motivi mbetet i paqartë, mendohet se mes tre personave ka pasur një debat për drogën.
Detektivët e Komandës Speciale për Krimet kanë mundur të identifikojnë dy personat dhe ata janë arrestuar brenda një jave.
