Digjet gjatë natës ''BMW X5'' në Vlorë, çfarë thotë policia
Nga OraNews Përditësimi i fundit 3 Mars 2024, 07:48
Një makinë është djegur gjatë natës në qytetin e Vlorës.
Policia sqaron se ngjarja ndodhi rreth orës 00:00, në lagjen “24 Maji”.
“Rreth orës 00:00, në lagjen “24 Maji”, Vlorë, ka rënë zjarr dhe është djegur një automjet tip “BMW X5”, në pronësi të shtetasit A. S, banues në Vlorë.
Grupi hetimor po punon për zbardhjen e rrethanave të ngjarjes dhe shkakut të rënies së zjarrit.”, thuhet në njoftimin e policisë.
