“Nuk e pranojmë kurrë lidhjen me Merin”/ Familja e Elvisit, flet pas kërcimit sensual me Merin
Nga OraNews Përditësimi i fundit 10 Shkurt 2024, 08:42
Mbrëmjen e djeshme në emisionin “Glamour Zone” në “Ora News”, i ftuar ka qenë Edi, vëllai i Elvis Myrtos, gazetari i kronikës së zezë, i cili tashmë është pjesë e “Big Brother VIP 3”.
Në bisedën përballë moderatores Ester Bylyku, ai fillimisht u shpreh se e sheh premtuese marrëdhënien e Lisit me Ledionën, madje i duket partnere ideale për vëllain e tij.
Ndërsa më pas u shpreh se nuk do ta pranonte asnjëherë Merin si të dashurën e Lisit, duke shpjeguar arsyen pse.
“Merin e shoh më shumë si shoqe të Lisit, nuk mendoj se do ishte partnere ideale për të. As nuk mendoj që Lisi e sheh me atë sy, them se si shok shkojnë më mirë”, tha ai.
