Ervin Gonxhi “NXJERR” kontratën e “BBV3”: Zbulon cilat janë pikat më të vështira
Nga OraNews Përditësimi i fundit 10 Shkurt 2024, 08:21
Prej kohësh kanë qarkulluar zëra mes ndjekësve të “Big Brother VIP 3” se ekziston një kontratë mes banorëve të kësaj shtëpie dhe produksionit.
Thashethemet e përhapura kanë qenë nga më të ndryshmet, e ndonjëherë edhe nga më ekstremet.
Por të vërtetën e sqaron për herë të parë një nga ish-pjesëtarët e “BBV 3”.
Instrumentisti Ervin Gonxhi, së fundmi ka qenë i ftuar në emisionin “Glamour Zone” në “Ora News” të moderators Ester Bylyku, ku për herë të parë ka pranuar vërtetësinë e kësaj kontrate.
Ervini, madje, ka qenë konkurrenti i vetëm që ka zbuluar edhe njërën nga pikat më të vështira të kontratës, e cila sipas tij, shkelet vazhdimisht.
Madje ka përmendur edhe emrin e banorit që e shkeli së fundmi, por ka shpëtuar pa rënë në sy.
Ester Bylyku: Thuhet që ekziston një kontratë mes dy palëve, banorit që futet në “Big Brother VIP” dhe produksionit. Cila është pika më e vështirë e kësaj kontrate?
Ervin Gonxhi: Pika më e vështirë është që nuk duhet të cënosh tjetrin në “atë që është ai”. Dhe jo më larg se në këtë Big Brother është shkelur.
Kur dola nga shtëpia e BBV, pashë Gazin që i ka vënë një epitet Rikes, kur ajo po këndonte ai i vuri një epitet që nuk ishte fare i bukur.
Kjo është një nga pikat e kontratës që ti nuk duhet të merresh me tjetrin, çfarë është, si është dhe shumë të tjera.
