Pagoi për t’i dhunuar ish gruan, avokati Alban Bengasi akuzohet edhe për pjesëmarrje në grup kriminal
Nga OraNews Përditësimi i fundit 9 Shkurt 2024, 09:56
Avokati Alban Bengasi do të gjykohet për dhunë ndaj ish gruas por edhe pjesëmarrje në grup kriminal. 4 vite pas ngjarjes ku ish bashkëshortja u godit me grushte në rrugë, SPAK ka zbardhur rastin. Dëshmia e Nuredin Dumanit ka qenë vendimtare për këtë ku ka pranuar se për porosinë iu premtua 120 mijë euro.
SPAK ka kërkuar nisjen e gjykimit të avokatit Alban Bengasi që akuzohet se porositi vrasjen e ish gruas së tij. sipas njoftimit të prokurorisë ndaj tij rëndojnë tre akuza “Dhuna në familje”, “Grupi i strukturuar kriminal”, dhe “Kryerja e veprave penale nga grupi i strukturuar kriminal dhe organizata kriminale.
Ngjarja është zbuluar nga i penduari i drejtësisë Nuredin dumani që në dëshminë e tij është shprehur se për rastin I ishte premtuar 120 mijë euro. shkak duket se ka qenë xhelozia.
Bëhet fjalë për rastin e ndodhur në 30 janar të vitit 2020 kur bashkëshortja e avokatit Blerta Bengasi është dhunuar nga një person, i cili e ka goditur shumë herë me grushte në pjesën e fytyrës dhe mbrapa koke, duke i shkaktuar dëmtime të shumta
Në njoftimin e SPAK thuhet se Alban Bengasi ish bashkëshorti i të dëmtuarës, ka qenë porositësi i aktit të dhunës dhe i bashkëhetuari Festim Qoli, është personi që kontraktoi Nuredin Dumanin për të kryer veprën penale.
Për këtë qëllim dumani është takuar edhe me Bengasin dhe më pas I është vënë në ndjekje gruas. Për dhunimin thuhet se është ngarkuar Eljo Bitri i cili pasi e ka goditur është larguar nga një person tjetër ende i paidentifikuar.
Alban Bengasi është arrestuar në maj të vitit 2022. Nëse gjykata do ta gjejë fajtor për ngjarjen ai rrezikon deri në 7 vite burgim.
