Hyri për të vjedhur, kapet në flagrancë 39-vjeçari në Vaun e Dejësit
Nga OraNews Përditësimi i fundit 6 Shkurt 2024, 12:30
Një 39-vjeçar është kapur në flagrancë nga policia në Vaun e Dejës. N.M., banues në Reç kishte hyrë në një banesë për të vjedhur dhe menjëherë pas njoftimit policia organizoi punën për kapjen e tij.
Shërbimet e policisë e arrestuan 39-vjeçarin brenda banesës ku kishte hyrë për të vjedhur.
Njoftimi i Policisë Vau i Dejës
U kap në flagrancë, në banesën ku kishte hyrë për të vjedhur, vihet në pranga 39-vjeçari.
Si rezultat i ndërhyrjes së shërbimeve të Komisariatit të Policisë Vau i Dejës, menjëherë pas njoftimit se po tentohej të vidhej në një banesë në fshatin Bushat, u bë i mundur arrestimi i autorit të këtij rasti, shtetasit N. M., 39 vjeç, banues në fshatin Reç i Ri.
Shërbimet e Policisë e kapën 39-vjeçarin në flagrancë, në ambientet e banesës, ku kishte hyrë me qëllim vjedhjen.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Shkodër, për veprime të mëtejshme.
