Premier League/ Brighton fiton me “poker” ndaj Tottenhamit, “Spurs” bie në transfertë
Nga OraNews Përditësimi i fundit 28 Dhjetor 2023, 22:40
Brighton ka arritur të marrë një fitore të madhe në shtëpi ndaj Tottenham me shifrat 4-2.
Pjesa e parë ka parë vendasit të ndëshkojnë dy herë Tottenham.
Në fillim ishte Hinshelwood i cili shënoi në minutën e 11’ dhe më pas Joao Pedro në minutën e 23’ falë një 11 metërshi.
Në pjesën e dytë ishin përsëri “pulëbardhat” të cilët ndëshkuan miqtë e “Spurs”.
Në minutën e 63’ Estpinan shënoi golin e tretë dhe në të 76’ Joao Pedro shënoi të katërtin.
Tottenham reagoi, por tepër vonë. Veliz dhe Davies shënuan pranë fundit të lojës, por jo më tepër.
Me këtë rezultat, Brighton ngjitet tashmë në vednin e tetë me 30 pikë, ndërsa Tottenham në vendin e pestë me 36 pikë.
