Sherr në burgun e Koridhalos në Greqi, 3 të plagosur, njëri prej tyre shqiptar
Nga OraNews Përditësimi i fundit 15 Dhjetor 2023, 17:09
Ditën e sotme, një përplasje mes të burgosurish ka ndodhur në burgun “Koridhalo” në Greqi, ndërsa kanë mbetur dy persona të plagosur.
Ka qenë një 28-vjecar i burgosur, kombësia e të cilit për momentin nuk bëhet e ditur, i cili ka goditur me thikë në kraharor, qafë dhe krah një tjetër të burgosur shqiptar, 52 vjeç, duke e plagosur.
Sapo kanë parë skenën, të burgosur të tjerë kanë goditur autorin në kokë dhe trup duke e lënë edhe atë të plagosur.
Gardianët kanë neutralizuar 28-vjeçarin duke i sekuestruar një thikë dhe një celular të thyer. Të dy të plagosurit janë dërguar në klinikën e burgut ku i është dhënë ndihma e parë.
Ndërkohë, autoritetet e burgut kanë nisur hetimet përkatëse për zbardhjen e plotë të ngjarjes, njoftojnë mediat greke.
