Alexei Navalny transferohet në një burg të ri
Nga OraNews Përditësimi i fundit 15 Dhjetor 2023, 15:33
Lideri i opozitës ruse Alexei Navalny do të transferohet në një burg të ri në një pjesë tjetër të vendit dhe mbërritja e tij atje do të zbulohet siç kërkohet nga ligji.
“Alexei Navalny u nis nga burgu federal IK-6 në një burg jashtë rajonit, në bazë të vendimit të Gjykatës së Moskës të 4 gushtit 2023”, thuhet në deklaratë. Procesi i transferimit të të burgosurve në Rusi bëhet me hekurudhë dhe mund të zgjasë javë të tëra.
Gjatë transferimit, familjet dhe avokatët nuk kanë asnjë informacion për vendndodhjen e të arrestuarve apo gjendjen e tyre shëndetësore derisa të arrijnë në destinacionin e tyre.
