Gazetari Qyno prej orës 11:00 në SPAK, kreu i unionit të gazetarëve, Çipa: Reagimi ynë do jetë ashtu siç e meriton të jetë
Nga OraNews Përditësimi i fundit 13 Dhjetor 2023, 21:19
Kreu i unionit të gazetarëve, Aleksandër Çipa në një lidhje të drejtpërdrejtë në emisonin ‘’Ora e Betit’’ në Ora News foli për mbajtjen prej 10 orësh në SPAK të gazetarit të Ora Neës, Elton Qyno ku i kërkohet burimi i informacionit. Çipa u shpreh se po ndiqet me shumë vëmendje dhe se reagimi do jetë ashtu sic meriton të jetë.
‘’Ne gjithmonë në mënyrën më natyrale jemi në të drejtën e gazetarit.
Nëse kemi të bëjmë me një rast që quhet i paprecedentë për raportin e së drejtës që ka gazetari për të mos dekonspiruar burimin dhe këmbënguljen e drejtësiësë për ta pasur atë burim atëherë kjo natyrisht që do marrë një dimension tjetër dhe në këtë cështje do të përfshihen jo vetëm elementët e avokatisë por edhe për ta dimensionuar atë edhe si një histori që është e re dhe ka të panjohurat e veta.
Po e ndjekim cështjen me shumë vëmendje. Presim sa më parë të kemi një njoftim zyrtar. Reagimi jonë do jetë ashtu sic meriton të jetë’’, tha ndër të tjera Çipa.
