Mbi 15 mijë viktima nga sulmet në Gaza që nga nisja e konfliktit, 193 persona u vranë pas përfundimit të armëpushimit
Nga OraNews Përditësimi i fundit 3 Dhjetor 2023, 08:23
Të paktën 15,207 palestinezë janë vrarë në total si rezultat i sulmeve izraelite në Gaza që nga 7 tetori, sipas një zëdhënësi të ministrisë së shëndetësisë të kontrolluar nga Hamasi në Gaza.
Të paktën 40,652 të tjerë janë plagosur në Gaza gjatë konfliktit, dhe 70 për qind e viktimave janë gra dhe fëmijë.
193 palestinezë u vranë që kur armëpushimi midis Hamasit dhe Izraelit përfundoi të premten dhe Izraeli rifilloi ofensivën në enklavë.
Izraeli ka thënë se po shënjestron operativët e Hamasit në Gaza, duke e akuzuar vazhdimisht për përfshirje në infrastrukturën civile dhe përdorimin e civilëve si mburoja njerëzore.
Por SHBA-ja gjithashtu ka pranuar numrin shkatërrues të civilëve në Gaza dhe i ka kërkuar Izraelit që të kujdeset më shumë për të mbrojtur civilët në fazën tjetër të luftës së tij.
“Shumë palestinezë të pafajshëm janë vrarë”, tha të shtunën nënpresidentja e SHBA Kamala Harris.
