Elbasani e Fieri kërkojnë fonde, bashkitë ku u ndërtuan inceneratorët: Më shumë para për mbetjet
Nga OraNews Përditësimi i fundit 22 Nëntor 2023, 20:18
Në dy qytetet ku u realizuan inceneratorët, të hetuar nga SPAK, fondet e dhëna për mbetjet konsiderohen të pamjaftueshme. Për këtë në komisionin e ligjeve u apelua për ndryshimin e shumës së dhënë nga qeveria.
Nga ana tjetër kryebashkiakja e Lushnjes ndryshimin e kërkoi për bujqësinë.
Pas votimit në parim të projektbuxhetit, përmes mbledhjeve online kanë nisur dëgjesat e bashkive për fondet e dhëna.
Çështja e menaxhimit të mbetjeve urbane në dy qytetet ku janë projektet e inceneratorëve janë bërë shkak për të kërkuar më shumë para. Propozimet i kanë bërë kryebashkiakët e Elbasanit dhe Fierit.
Lushnja apeloi per me shume mbeshtetje te financimit per sektorin e bujqesise.
Një tjetër dëgjes ishte edhe për Pogradecin, ku kryetari i bashkisë kërkoi të merrte qiratë nga zonat e mbrojtura.
Fondet e kërkuara nga pushteti vendor do të rakordohen më parë me ministrinë e financave për të kaluar më pas me ndryshimin e fondeve.
