VIDEO/ E pabesueshme në Angli, lojtari i Manchester City feston golin e barazimit nga Chelsea

Nga OraNews Përditësimi i fundit 13 Nëntor 2023, 18:11

Chelsea ka barazuar dje në mënyrë dramatike ndeshjen ndaj Manchester City me në penallti të fituar në minutat shtesë nga Broja dhe të transformuar me saktësi nga Palmer, për të vulosur barazimin 4-4.

Një gol që padyshim dëshpëroi të gjithë pjesëtarët e kampionëve në fuqi të Anglisë, e normalisht kështu duhej të ishte edhe për lojtarët e skuadrës së Guardiolës. Por me sa duket, jo për të gjithë.

Një pamje e filmuar nga tribunat, tregon një gjest të çuditshëm të Mateo Kovacic pas golit të Palmer. Ai duket sikur bën një gjest feste pasi topi shkon në rrjetë teksa kthehet drejt mesfushës.

Pamjet kanë bërë xhiron e rrjetit, me tifozët e Manchester City që e kanë komentuar me habi këtë sjellje të mesfushorit i cili me sa duket është ende me zemrën te klubi londinez, nga i cili u largua gjatë kësaj vere për t’iu bashkuar “qytetarëve”.