Conference League/ Ballkan i Dajës luan sot sfidë delikate në Kazakistan
Nga OraNews Përditësimi i fundit 9 Nëntor 2023, 14:02
Sot është dita e Ballkanit që luan në Conference League, dhe që do të jetë e impenjuar në një sfidë delikate ndaj Astanës në Kazakistan.
“Dardanët” janë besimplotë se mund të bëjnë surprizën ndaj kundërshtarëve kazakë, edhe pse do të jetë një mision i vështirë. Me grupin e kompletuar, trajneri Ilir Daja kërkon maksimumin nga skuadra.
Për momentin në grup janë të hapura. Përveç Viktoria Plzen që kryeson me 9 pikë të plota pas 3 ndeshjesh, tri skuadrat e tjera janë në kuotën e barabartë të pikëve.
Si Ballkani, Dinamo dhe Astana kanë 3 pikë dhe lufta do të jetë mes tyre për një biletë në fazën e 1/8. Dueli Astana-Ballkani do të luhet sot, në orën 16:30.
