FOTO+VIDEO/ Ibra ti je? Sulmuesi kuqezi “tërbon” mediat italiane: Çuni, uaa çfarë goli
Nga OraNews Përditësimi i fundit 7 Nëntor 2023, 09:02
Si kurrë më parë, Shqipëria është kthyer në një burim talentesh të shpërndarë kudo në Evropë, lojtarë plot klas që po kthehen në protagonistë absolut në ekipet e tyre.
Serie A mbetet pa diskutim oazi i preferuar, ku i fundit që po lë gjurmë është Marvin Çuni.
Talenti kuqezi realizoi golin e tij të parë në Serie A, dhe çfarë goli, një super gol përballë Empolit të shqiptarëve. Për ironi të fatit, Çuni dogji mbulimin e Ismajlit dhe me thembër mposhti Etrit Berishën.
Ky gol alla Ibra ka tërbuar mediat italiane:
“Çfarë goli ka shënuar Marvin Çuni. Talenti i vitit 2001 gjen golin e parë në Serie A me një goditje të pabesueshme me thembër”, shkruan La Gazzetta dello Sport.
“Çfarë goli ka shënuar Çuni”, shkruan Sportmediaset. Ky është një gol që sulmuesi kuqezi vështirë se do ta harrojë, ndërsa paraqitja e tij u vlerësua me notën 7.
“Tërheq përpara ekipin e tij në pjesën e parë, por arbitri i anulon një gol. Rindizet në pjesën e dytë me një gol fantastik me thembër”, shkruan TuttomercatoWeb.
Kjo ishte një ndeshje e gjitha për t’u harruar për portierin shqiptar, Etrit Berisha, i vlerësuar me notën 5,5, një notë e ndikuar edhe nga goli i Çunit, ku mund të bënte diçka më shumë.
Notat e ndeshjes
Me gjysmë note më shumë u vlerësuar Ardian Ismajli.
