Për herë të tetë/ “Topi i Artë” 2023 ka vetëm një emër, Lionel Messi. Askush s'e kap dot "Pleshtin"
Nga OraNews Përditësimi i fundit 30 Tetor 2023, 20:56
Në Theatre du Chatelet, në Paris, në orën 20.45 nisi ceremonia e “Topit të Artë” 2023. Të gjithë të apasionuarit pas lojës më të bukur në botë u “gozhduan” përpara ekranit për të ndjekur me mjaft emocione zhvillimet.
Kush do të zbresë nga froni Karim Benzema-n? Kjo është pyetja që të gjithë bëjnë! Favorit kryesor është Lionel Messi, i cili ka bërë për vete trofeun individual plot 7 herë. Messi, gjithashtu, u shpall kampion bote me Argjentinën, duke treguan klasin e tij edhe në nivel kombëtaresh.
Kandidaturë e fortë e Erling Haaland (Manchester City). Ylli norvegjez që po shëndrrit në botën e futbollit ka fituar gjithçka këtë vit, ku mund të përmendim Premier League, Champions League dhe FA Cup. Në listë është edhe sulmuesi i PSG, Kylian Mbappe, i cili u shpall golashënuesi më i mirë në Botërorin e Katarit.
Çmime të tjera që priten me interes të shpërndahen janë “Topi i Artë” për femra, portieri më i mirë dhe trofeu për të riun më të mirë të sezonit. Kush do ia dalë mbanë? E mësojmë sonte.
Çmimet:
“Topi i Artë” për femra: Aitana Bonmati (Spanjë, Barcelona)
“Topi i Artë” për meshkuj: Lionel Messi
Portieri më i mirë: Emiliano Martinez (Aston Villa)
Trofeu për të riun më të mirë të sezonit: Jude Bellingham (Real Madrid)
Çmimi Sokrates (i bamirësisë): Vinicius
Çmimi Gerd Muller (Golashënuesi): Haaland
Skuadra më e mirë, meshkuj: Manchester City
Skuadra më e mirë, femra: Barcelona
