Sulmi terrorist në Bruksel, policia qëllon autorin e dyshuar, u kap në një kafene

Nga OraNews Përditësimi i fundit 17 Tetor 2023, 09:02

Policia në Bruksel ka qëlluar me armë një person, i cili dyshohet të jetë autori i dyshuar i sulmit të armatosur që vrau dy tifozë suedezë të hënën në mbrëmje.

Sulmi terrorist në Bruksel, policia qëllon autorin e dyshuar, u kap

Ai u qëllua në një kafene në lagjen Schaerbeek, raportuan mediat lokale, ndërsa mbeti i plagosur. Aktualisht personi i plagosur ndodhet në reanimacion.

Prokurorët belgë konfirmuan incidentin, por thanë se nuk mund të konfirmonin ende nëse personi ishte sulmuesi, Abdesalem L. Brukseli ka qenë në alarmin më të lartë terrorist pas sulmit të së hënës.

Sulmi ndodhi mbrëmjen e përballjes mes Belgjikës kundër Suedisë, një ndeshje kualifikuese për Kampionatin Evropian 2024 në Heyel stadium, rreth pesë kilometra larg vendit të ngjarjes. Kujtojmë se ndeshja u ndërpre.

Sulmi terrorist në Bruksel, policia qëllon autorin e dyshuar, u kap
Tifozët në stadium mbrëmë

Gjithashtu ky sulm ndodhi në një kohë kur vigjilenca është ngritur për shkak të luftës së vazhdueshme mes Izraelit dhe Hamasit, e cila i ka rritur tensionet në disa vende evropiane.