Shqipëri-Bullgari, UEFA zgjedh arbitra dardanë për miqësoren në “Air Albania”
Nga OraNews Përditësimi i fundit 15 Tetor 2023, 18:51
Gjyqtarë nga Kosova për miqësoren Shqipëri-Bullgari, e programuar për të martën e 17 tetorit në “Air Albania”. Duel që nis prej orës 18:00.
UEFA ka përzgjedhur një treshe arbitrash dardanë për këtë takim. Kryesor do të jetë Mervan Bejtullahu, i cili do të ndihmohet nga anësorët Edmond Zeqiri dhe Fatmir Sekiraqa.
Ndërkohë që gjyqtari i katërt i ndeshjes së kombëtares kuqezi do të jetë Erjon Bastari, arbitër i kolegjiumit të Tiranës.
Bejtullahu është një nga arbitrat më të mirë dardanë, teksa gjatë janarit të këtij viti mori stemën e FIFA-s.
