EMRI/ Një 37-vjeçar paraqitet në spitalin e Sarandës me plagë thike në qafë, shpinë e duar
Nga OraNews Përditësimi i fundit 14 Tetor 2023, 22:15
Një 37 vjeçar në Sarandë ka shkuar i plagosur në spital. Leonard Poci, 37 vjec ka shkuar në spital me goditje me thikë në qafe, shpinë e duar. 37 vjeçari po merr ndihmën e parë në Urgjencën e Spitalit të Sarandës.
Poci është përdorues i lëndëve narkotike, me precedentë penal për vjedhje. Policia ka nisur hetimet për ngjarjen.
Njoftimi i policisë Sarandë:
Sarandë/Informacion paraprak
Sot, rreth orës 21:10, në lagjen nr.1, dyshohet se gjatë një konflikti për motive të dobëta, shtetasi Dh. T., rreth 32 vjeç, ka goditur me mjet prerës, në zonën e qafës, shtetasin L. P., rreth 36 vjeç.
Shërbimet e Policisë kanë shkuar menjëherë në vendngjarje dhe falë veprimeve të shpejta bënë të mundur kapjen e autorit të dyshuar, shtetasin Dh. T, dhe shoqërimin e tij në Komisariatin e Sarandës, për veprime të mëtejshme hetimore.
Shtetasi L. P, aktualisht ndodhet në spitalin e Sarandës, nën kujdesin e mjekëve.
Vijon puna e grupit hetimor për sqarimin e plotë të rrethanave të ngjarjes.
