Kisha e Shën Mërisë në Barmash të Kolonjës, në restaurim
Nga OraNews Përditësimi i fundit 12 Tetor 2023, 09:47
Prej muajit shtator, kisha e Shën Mërisë në fshatin Barmash, të Kolonjës po i nënshtrohet punimeve restauruese.
Duke iu përmbajtur projektit të miratuar, punimet e deritanishme kanë nxjerrë në pah kishën, gjurmët e narteksit dhe elementët përbërës të saj, duke ruajtur vlerat e kësaj pasurie kulturore.
Këto ndërhyrje restauruese po kryhen me investime të buxhetit të shtetit, nën mbikëqyrjen e Institutit Kombëtar të Trashëgimisë Kulturore dhe Drejtorisë Rajonale Korçë.
Ndërsa janë kryer rreth 30 përqind të punimeve, do të vijohet me ruajtjen dhe konservimin e pjesës së naosit, ndërtimin e çatisë në narteks, restaurim të shtresave, punime në muraturë, ringritjen e mureve të narteksit, sistemime të jashtme në hajat dhe vendosje e derës së jashtme.
