Protesta e mësuesve në Nepal, 110 arsimtarë kundër projektligjit të reformës në arsim
Nga OraNews Përditësimi i fundit 22 Shtator 2023, 15:32
Rreth 110 mijë mësues në Nepal kanë dal në protestë kundër projektligjit të reformës në arsim.
Ata janë kundër propozimeve për t'i dhënë qeverive vendore mbikëqyrjen e shkollave dhe ndalimin e mësimdhënësve që t'i bashkohen grupeve me përkatësi politike.
Të enjten, shumë protestues marshuan drejt parlamentit në kryeqytet ndërsa policët shtynë me dhunë turmën që po përpiqej të kalonte barrikadat e çelikut.
Nxënësit dhe prindërit kanë bërë thirrje për t'i dhënë fund trazirave 3 ditore, në mënyrë që mësimi të rifillojë.
Mësuesit nepalezë ishin veçanërisht të përfshirë në luftën e vendit për demokraci ndërsa partitë politike kanë qenë prej kohësh të interesuara t’i rekrutojnë ata si aktivistë.
Por disa ekspertë të arsimit argumentojnë se përfshirja e mësuesve në politikë dëmton cilësinë e arsimit.
Drejtuesit e qeverisë u takuan të enjten me protestuesit për të diskutuar shqetësimet e tyre. Zyrtarët deklaruan se bisedimet ishin pozitive, por pa asnjë zgjidhje përfundimtare.
Mësuesit kanë kërcënuar se do të vazhdojnë demonstratat nëse nuk plotësohen kërkesat e tyre ndërsa zyra e kryeministrit ka siguruar se qeveria nuk ka ndërmend të minojë moralin e mësuesve.
