Inflacioni në Turqi shënon sërish rritje, më i larti në tetë muaj
Nga OraNews Përditësimi i fundit 4 Shtator 2023, 22:44
Inflacioni i çmimeve të konsumit në Turqi u përshpejtua për muajin të dytin muaj radhazi, në gusht në nivelin më të lartë në tetë muaj, i nxitur kryesisht nga kostot e larta të ushqimit dhe transportit, tha sot Instituti Turk i Statistikave.
Të dhënat zyrtare treguan se edhe çmimet e prodhimit vazhduan rritjen e mprehtë në gusht.
Indeksi i çmimeve të konsumit u rrit me 58,94% në terma vjetore në gusht, krahasuar me 47,83% muajin e kaluar. Ekspertët kishin parashikuar një rritje prej 55,9%.
Inflacioni i fundit ishte inflacioni më i fortë që nga dhjetori i vitit të kaluar, kur çmimet u rritën me 64,27%.
Çmimet e ushqimeve dhe pijeve jo alkoolike u rritën me 72,86% në terma vjetore në gusht dhe ritmi i rritjes u përshpejtua nga 60,7% muajin e kaluar.
Tarifat e transportit u rritën me 70,2% krahasuar me vitin e kaluar, kundrejt rritjes 43,4% në korrik.
Në baza mujore, çmimet e konsumit u rritën me 9,09% në gusht, pas një rritjeje prej 9,49% një muaj më parë.
Të dhënat nga zyra e statistikave treguan se inflacioni i çmimeve të prodhimit u rrit në 49,41%, niveli më i lartë në 4 muaj në gusht, krahasuar me 44,5% një muaj më parë.
Ndër sektorët kryesorë të industrisë, çmimet për sektorin e minierave dhe guroreve u rritën me 66,42% në terma vjetore në gusht dhe ato të përpunimit u rritën me 54,41%.
