U arrestua se vodhi patatina? Aktori i serialit "Hannah Montanah" zbulon si është e vërteta
Nga OraNews Përditësimi i fundit 2 Shtator 2023, 14:30
Aktori i njohur nga seriali "Hannah Montana”, Mitchel Musso, ka folur në një intervistë për ngjarjen e ndodhur gjatë fundjavës së kaluar, ku ai u arrestua dhe u akuzua për vjedhje dhe dehje në publik.
“Nuk ka pasur asnjë vjedhje, dhe unë nuk kam qenë i dehur”, tha ai duke shtuar se: “Ishte për të ardhur keq, një keqkuptim shumë i madh".
Musso u arrestua të shtunën e 26 gushtit në Teksas, pasi dyshohej se teksa ishte në gjendje të dehur kishte grabitur në ambientet e një hoteli.
Sipas denoncuesit, aktori kishte filluar të konsumonte një qese me patatina dhe më pas ishte bërë agresiv me shitësin pasi ky i fundit i kishte kërkuar të shlyente faturën.
Por, sipas aktorit, gjërat nuk ndodhën kështu.
“Ky punonjës i pakënaqur, sjellja e të cilit ishte e çrregullt, më hoqi qesen me patatina nga dora dhe filloi të më bërtiste për veshjen time.
Më tha Dil jashtë ose do të telefonoj policinë. Në fund, unë thashë ‘Sigurisht, telefononi policët’".- deklaroi aktori.
