Shpërthim në një pikë karburanti në Dagestan të Rusisë, 27 të vdekur

Nga OraNews Përditësimi i fundit 15 Gusht 2023, 09:12

Një shpërthim i fuqishëm në një pikë karburanti në rajonin e Dagestanit, i ka marrë jetën të paktën 27 personave, mes të cilëve edhe 3 fëmijë.

Shpërthimi ndodhi në orën 21:40 me atë lokale, në kryeqytetin Makhachkala të rajonit që ndodhet në Rusinë jugore, në bregun e Detit Kaspik.

Zjarri u përhap në një sipërfaqe prej 600 metrash katrorë dhe ekzistonte rreziku i shpërthimeve të mëtejshme.

Dhjetëra persona të tjerë kanë mbetur të plagosur nga ngjarja dhe pamjet nga vendngjarja tregojnë një zjarr të madh që e bën natën – ditë, me një numër të lartë zjarrfikësesh në vendngjarje.