Polonia dërgon një ekip trajnimi në kufirin me Bjellorusinë

Nga OraNews Përditësimi i fundit 13 Gusht 2023, 17:56

Ministri polak i Mbrojtjes, Mariusz Błaszczak njoftoi vendosjen e një task force ushtarake me detyra stërvitore në kufirin me Bjellorusinë.

“Emri i koduar është Rengaw”, tha Błaszczak

“Detyra e ushtarëve do të jetë stërvitja e ushtrisë polake këtu në terren, në provincën Podlaskie Voivodeship dhe të formimi i një rezerve në rast se situata në kufirin polak-bjellorusi përkeqësohet,” tha ministri gjatë një vizite në Poloninë lindore, ku ushtarët e ushtrisë polake shërbejnë në mbështetje të rojes kufitare.

“Nuk ka dyshim se regjimi bjellorus bashkëpunon me Kremlinin dhe sulmet në kufirin polak kanë për qëllim destabilizimin e vendit tonë. Por, jam i bindur se ky operacion do të dështojë, falë shërbimit të ushtrisë polake dhe forcimit të kufirit”, tha Błaszczak.

Ministri theksoi se natyra e kësaj task force ushtarake është stërvitja dhe mbrojtja.

“Sipas propagandës së Kremlinit, ushtria polake po mblidhet në kufi. Kjo është e vërtetë, por ushtria polake po mblidhet për të penguar agresorin”, tha ai.