Tërheqja e Rusisë nga marrëveshja e grurit me Ukrainën, Kina kritikon Moskën: Do të ketë pasoja katastrofale!
Nga OraNews Përditësimi i fundit 22 Korrik 2023, 16:58
Kina ka kritikuar Rusinë për ndërprerjen e marrëveshjes së grurit me Ukrainë.
Rusët u kritikuan gjithashtu për sulmin ndaj porteve të Ukrainës dhe shkatërrimin e infrastrukturës portuale, një shkelje e ligjit ndërkombëtar humanitar.
Vetë Moska pohoi se ka sulmuar zonat detare në Detin e Zi pasi ishin të rrezikshme për ta, por OKB-ja paralajmëroi se një incident ushtarak në det mund të ketë “pasoja katastrofike”.
Autoritetet ruse deklaruan se kishin pezulluar Iniciativën për drithërat e Detit të Zi sepse OKB-ja nuk kishte arritur të largojë pengesat për dërgimin e ushqimit dhe plehrave të saj në tregjet globale, gjysma tjetër e marrëveshjes së grurit me Ukrainën.
Zëvendës ambasadori i Kinës në Kombet e Bashkuara, Geng Shuang shprehu shpresën se Rusia dhe OKB-ja do të punojnë së bashku për të rifilluar eksportet nga të dyja vendet “sa më shpejt të jetë e mundur” në interes të “ruajtjes së sigurisë ndërkombëtare dhe në veçanti të zbutjes së krizës ushqimore në vendet në zhvillim”.
Ndryshe, Rusia ka vendosur shtatë kushte për vazhduar marrëveshjen e ndërmjetësuar nga Turqia dhe OKB-ja.
