“Wagner ka pësuar humbje të mëdha”, Zelensky: 21,000 mercenarë janë vrarë në Ukrainë
Nga OraNews Përditësimi i fundit 2 Korrik 2023, 08:45
Të paktën 21,000 mercenarë të Wagner janë vrarë duke luftuar në Ukrainë , sipas presidentit Volodymyr Zelensky.
Udhëheqësi ukrainas tha se kompania private ushtarake kishte pësuar “humbje të mëdha”, veçanërisht në Ukrainën lindore ku “grupi i saj më i fuqishëm” po luftonte.
“Trupat tona vranë 21,000 Wagneritë vetëm në Ukrainën lindore”, u tha Zelensky gazetarëve në Kiev të shtunën, duke shtuar se 80,000 luftëtarë të tjerë të Wagner ishin plagosur.
“Këto ishin humbje të mëdha për Wagner PMC ,” tha Zelensky, i cili i karakterizoi luftëtarët e saj si një “staf të motivuar të ushtrisë ruse” dhe kryesisht të dënuar që “nuk kishin asgjë për të humbur”.
CNN nuk mundi të verifikonte në mënyrë të pavarur pretendimin e Zelensky, të bërë gjatë një konference për shtyp me mediat spanjolle që përkon me një vizitë në Kiev të kryeministrit spanjoll Pedro Sanchez .
Udhëtimi i Sanchez është vizita e tij e tretë në Ukrainë. Kjo vjen pasi Spanja merr presidencën e rradhës të Këshillit të Bashkimit Evropian dhe pas lajmeve se drejtori i CIA-s, William Burns, gjithashtu kohët e fundit udhëtoi në Ukrainë për t’u takuar me Zelensky dhe zyrtarë të inteligjencës ukrainase.
