Shoferja humbet kontrollin e mjetit dhe përplaset me dy makina, tre të lënduar në Bulqizë
Nga OraNews Përditësimi i fundit 14 Qershor 2023, 18:48
Një aksident ka ndodhur këtë pasite në Bulqizë ku një drejtuese ka humbur kontrollin e mjetit me të cilin po lëvizste duke u përplasur me dy të tjerë.
Për pasojë nga përplasja mbetën të lënduar tre persona.
"Në qytet të vjetër, Bulqizë, shtetasja S.D., duke drejtuar automjetin e saj, ka humbur kontrollin mbi drejtimin e automjetit dhe për pasojë automjeti ka goditur 2 automjete të tjera.
Për pasojë kanë mbetur të lënduar shtetasit I.Gj., S.Gj., dhe H.L., të cilët po marrin ndihmë mjekësore në spital.
Drejtuesja e automjetit shtetasja S.D., është shoqëruar në Komisariat për veprime të mëtejshme," njoftoi policia.
Grupi hetimor po punon për zbardhjen e shkaqeve të aksidentit.
