Në kërkim në Gjermani për vrasje, 34 vjeçari kapet në Tiranë me kokainë në makinë
Nga OraNews Përditësimi i fundit 12 Qershor 2023, 13:22
Ky që shikoni në këtë foto është 34 vjeçari Alidon Marqeshi.
Në Gjermani ishte në kërkim për vrasje, por në vendin tonë lëvizte lirshëm.
U arrestua në Tiranë, pasi policia e ndaloi rastësisht dhe në makinë i gjeti një dozë kokainë.
Verifikimet në komisariat ndezën alarmin e kuq.
Rezultoi se 34 vjeçari Alidon Marqeshi ishte në kërkim nga drejtësia gjermane me akuzën e vrasjes së kryer në bashkëpunim.
Ai dyshohet se është një nga autorët e masakrimit me sende të forta të 19 vjecarit Xhoi Musaj, krim i ndodhur në vitin 2017 në Gjermani.
Një 47 vjeçar, identiteti i të cilit nuk bëhet i ditur ishte po ashtu autor i vrasjes së të riut shqiptar.
Hetimet e autoriteteve gjermane kanë faktuar se motivi i vrasjes është gjakmarrja.
Viktima 19 vjeçari Xhoi Musaj rezulton të jetë nipi i një personi me rrezikshmëri të lartë shoqërorë për të cilën dyshohet të jetë edhe shkak vrasjes së tij.
I riu bashkë me familjen e tij ishte transferuar për të jetuar në Gjermani ku u ekzekutua pikërisht për ti shpëtuar hakmarrjes, pasi më herët kishte marrë kërcënime.
47 vjecari pjesëmarrës në vrasjen e Xhoi Musaj, është dënuar me burgim të përjetshëm në Gjermani, ndërsa tashmë është radha e Alidon Merqeshi për tu përballur me drejtësinë.
