Shkodër, theu masën e sigurisë “Arrest në shtëpi”, kapet dhe vihet në pranga 23-vjeçari.
Nga OraNews Përditësimi i fundit 23 Maj 2023, 14:55
Theu masën e sigurisë “Arrest në shtëpi”, kapet dhe vihet në pranga 23-vjeçari.
Specialistët për Hetimin e Trafiqeve dhe Narkotikëve të DVP Shkodër ndaluan shtetasin A. L., 23 vjeç, banues në fshatin Vrakë, Malësi e Madhe.
Ai akuzohet për veprat penale “Mosbindja ndaj urdhrit të punonjësit të policisë së rendit publik” dhe “Largimi i të burgosurit nga vendi i qëndrimit”, pasi ka thyer masën e sigurisë “Arrest në shtëpi” dhe nuk i është bindur urdhrit të punonjësve të Policisë për të ndaluar ndërkohë që qarkullonte me automjet.
Materialet proceduriale iu referuan Prokurorisë pranë Gjykatës së Shkallës së Parë të Juridiksionit të Përgjithshëm Shkodër, për veprime të mëtejshme.
